Fréttasafn

Dagskrá Ískross 11. febr. Akureyri

Aðstæður verða með besta móti fyrir ískrossið.    Ísinn er góður,  það er að lægja og við munum láta halda því áfram og tjöldum svo úrvalsveðri næsta laugardag þegar mótið fer fram.   útlit er fyrir að allir muni skemmta sér stórvel við frábærar aðstæður,   missið ekki af tækifæri til að ís-krossa ykkur á Leirutjörn það er bara einu sinni á ári sem það gefst.

 Allir að skrá sig í ískrossið fyrir kl: 21:00 í kvöld.

Sleðaspyrna í Hlíðarfjalli. Grófar flokkareglur.
Standard: Allir sleðar nema Nitró og túrbó. (ekki hægt að gera upp á milli breytinga, hvort það er í pústi, kúppl, tölvu, heila o.fl)
Opinn flokkur: Túrbó og nítró, og aðrir helmoddaðir.
Forn flokkur: sleðar eldri en 1990.

Keppnisstjórn metur flokkaskiptingu á staðnum (eftir veðri og skapi)

Keppnistjórn.

Þessi bréfi er dreift í hús í innbænum.

 Frá:   KKA Akstursíþróttafélagi Akureyri  7. febrúar 2012 Vetrarhátíðin  Éljagangur 2012.    Atburðir KKA. Heiðraði innbæingur,Um næstu helgi verður haldin vegleg vetrarhátíð á Akureyri og nágrenni sem nefnist Éljagangur. Einn af þeim viðburðum sem KKA Akstursíþróttafélag stendur fyrir kemur þér beinlínis við því ónæði verður í þínu hverfi.    Þar er um að ræða ísakstur á mótorhjólum sem verður á Leirutjörn 11. febr. n.k og hefst kl. 12:00.   Ekki er vitað hve margir verða í keppninni þar sem skráning er enn opin,   því er ekki alveg ljóst hve lengi atburðurinn muni standa en trúlega verður þetta ekki lengur en til 17:00. Mótanefnd KKA sér um framkvæmd ofangreindra atburða og ber ábyrgð á þeim. Við biðjumst velvirðingar á ónæði því sem þessir atburðir kunna að valda en reynt er að hafa það í lágmarki.      Síðustu ár hefur slíkt mót verið haldið og verður þetta með sama sniði. Þér er velkomið að hafa samband við undirritaðan ef það er eitthvað sem þú telur að við getum gert betur í framkvæmd þessara viðburða.

 

1. umferð í Ís-Cross fer fram á Akureyri 11. febrúar.
 
Skráning í 1. umferð Íslandsmótsins í Ís-Cross sem fars átti fram í Reykjavík 28. janúar mun gilda fyrir keppnina sem sem fram fer á Akureyri laugardaginn 11. febrúar. Þeir keppendur sem skráðu sig í 1. umferð athugið að sú skráning mun standa og verður opnað fyrir þá skráningu aftur til miðvikudagsins 8. febrúar til kl: 21:00
Þeir keppendur sem þegar hafa skráð sig en geta ekki mætt á Akureyri er bent á að senda póst á kg@ktm.is áður en skráningarfrestur rennur út og mun þá keppnisgjaldið verða fært á aðra keppni. Langtímaveðurspáin lítur vel út og allt útlit fyrir góða keppni á Akureyri. Ekki hefur verið ákveðið með aukakeppni í Ís-Cross en gera má ráð fyrir að hún verði sett á í kringum 25. febrúar ef aðstæður leyfa.

Nú fer að styttast í éljaganginn Dagskrá má finna hérna,

Það helsta sem KKA kemur nærri er þetta:

Föstudagur 10. febrúar 2012
20.00 Snjósleðaspyrna í Hlíðarfjalli (Ekki Toyota túninu)- KKA. Flugeldasýning í boði EY-LÍV og KKA í Hlíðarfjalli að spyrnu lokinni.
 

Laugardagur 11. febrúar 2012
11.00 Vetrarsportsýning EY-LÍV í Boganum, opið til kl. 17.00, frítt
12.00 Íslandsmeistaramót á vélhjólum – Íscrosskeppni – á Leirutjörn KKA

Einar Sigurðsson var fulltrúi KKA í hófi í gær (18.1.) til útnefningar íþróttamanns Akureyrar 2011.    Bryndís Rún Hansen hin frækna sundkona var útnefnd íþróttamaður ársins 2011 á Akureyri.    Hún hefur verið í verulegu stuði undanfarin ár enda tilnefnd til þessa titils,  2009, 2010 og 2011.

Föstudaginn næsta þ.e. 20. jan. kl. 20:00 verður haldinn fundur í samkomusal nyrst í Kaupangi m/Mýrarveg,  Akureyri,   þ.e. gengið inn að vestan.     Efni fundarins er réttur til að fara um hálendið,  lokanir ákveðinni svæða og takmarkanir á ferðafrelsi almennings um hálendið,  á hestum,  bílum, hjólum,  tveimur jafnfljótum og/eða með öðrum hætti.

Endanlegt skipulag fundarins liggur ekki fyrir núna,   tilkynning kemur hér þegar dagskrá er fullmótuð,  en þið getið farið að hita ykkur upp fyrir föstudaginn.    Allir velkomnir.     

Dagskráin gæti litið eitthvað nálægt þessu út:

• Elín Björg Ragnarsdóttir,  lögfræðingur. F4x4 fjallar um Hvítbók.
• Einar K. Haraldsson skotveiðimaður talar um þjóðgarða almennt, friðlýst svæði og verndun (takmörkun)
• Sveinbjörn Halldórsson Ferðaklúbbnum 4x4, Aðkoma frjálsra félagasamtaka að skipulagi hálendisins.
• Ingimar Árnason útivistamaður heldur fræðsluerindi um Leið norðan Dyngjufjalla (Vikrafellsleið)
• Andrea Þorvaldsdóttir, eða staðgengill, ferðamaður á hestum.  Hestaferðir fyrr á tímum, nú og til framtíðar.
• Elvar Árni Lund. Skotveiði og útivistamaður. Talar um frelsi til skotveiða og framtíðarskipulag þjóðgarða og þjóðlendna á Íslandi.

Hver framsögumaður hefur  7 mínútur  +/- 3 mínútur.

Einar Sigurðsson hefur verið kjörinn íþróttamaður ársins hjá KKA.     Einar fór einfaldlega á kostum á síðasta ári,  var fullkomlega óstöðvandi og ósigrandi.      Einar keppti í flokki 85cc hjóla í mototcrossi og vann allar fimm umferðir íslandsmótsins.   Einar gerði ekki endasleppt með þessu því hann keppti ekki bara í motocrossinu heldur líka í enduro akstri í flokki 85cc.    Skemmst er frá því að segja að þessi stórkostlegi akstursíþróttamaður sigraði þar allar 6 umferðir íslandsmótsins.     Hann sigraði því með fullu húsi stiga bæði í motocrossi og enduro,  sem er einstakt og sýnir hve gríðarlega fjölhæfur og hæfileikaríkur ökumaður Einar er.

 

Á Unglingalandsmótinu sem haldið var á Egilsstöðum í sumar vann Einar 85cc flokkinn og keppti einnig í 125cc unglingaflokki og varð þar í 3. sæti.   

 

KKA er heiður að hafa Einar í röðum sínum og geta útnefnt hann íþróttamann ársins 2011.   

 

Til hamingju Einar með titilinn. 

Í dag hélt útgerðarfyrirtækið Samherji hf. veglega veislu og styrkti ýmis málefni með hvatningu og 75 milljónum króna.      

Samherji hefur í gegnum tíðina styrkt ýmis málefni með margskonar hætti.   Árið 2008 var þó sérstakt því þá tók félagið sig til,  boðaði til veislu í tilefni af 25 ára afmælis félagsins og tilkynnti þar að félagið hyggðist styrkja ýmiskonar málefni með gríðarlega miklum fjármunum.   Allir töldu þetta vera einstakan viðburð, sem ekki yrði endurtekinn.   Sem betur fer gekk það ekki eftir því í dag veitti Samherji fjórða árið í röð reginfjárhæð til margvíslegra málefna.  

Þakklæti KKA er mikið bæði fyrir fjármunina og líka fyrir þá viðurkenningu, sem felst í því að aðili í atvinnurekstri skuli yfirleitt sjá ástæðu til að gefa okkur peninga, sem aflað hefur verið með venjulegum erfiðismunum.