Fréttasafn

Nú fer motocross brautin alveg að verða til en nú þegar er mestur hluti brautarinn orðinn þurr og vel keyrsluhæfur! mæli ég mikið með að fólk fari og keyri brautina, hún bara þornar meira á því! Reynum nú að fara halda vinnukvöld í brautinni í næstu viku er fólk með hugmyndir um tíma og dagsetningu ?  Kv bjarki#670

Ársskýrsla 2008    Ársskýrsla 2009.

Hið rótgróna vélsleðamót við Mývatn hefur unnið sér fastan sess í hugum margra slaðmanna. í ár verður mótið með svipuðu sniði og undanfarin ár, dagsetningin verður 19-21. mars og gott að taka helgina frá í tíma.

 

Meðal þeirra sem ætla að fjölmenna að norðan eru meðlimir Team Green North. Sjá fréttir og læti af undirbúningnum á teamgreen.bloggar.is

Sýnd verður 2010 línan af götu og torfæruhjólum í Nítró/N1 á Akureyri föstudaginn 19.mars. frá kl: 16:00 til 18:00 25% afsláttur verður af Nítró vörum öðrum en hjólum og tilboðsvörum á meðan á sýningu stendur.

KTM 250sx árg.2002 var stolið af verkstæði í mosó aðfaranótt laugardags. Hjólið er í ótrúlega góðu ástandi enda lítið notað. Á vinnstri hlið aftast hjá afturbretti er stensluð mynd af andliti/púka í rauðu á svart plastið. Hjólið er alveg eins og þetta hjól á myndinni nema það var búið að setja svartar handahlýfar á stýrið og komið með nýrri KTM grip(orange og grá). Undir því er Kenda afturdekk nánast nýtt og orginal framdekk.

Samkvæmt upplýsingum frá KTM umboðinu eru örfá svona hjól á landinu.

Ef einhver verður var við þetta hjól eða sjáið auglýsingu vinsamlegast hafið samband við:

Lögregluna í RVK
eða
Hörð Darra
6900457

Fallegt að sjá, endilega skiljið eftir athugasemd ef þið eruð að spá í að vera með í Snocrossi í vetur takk takk.

Nú er hvíta gullið að fylla öll vit hér fyrir norðan og menn tóku sig til og tróðu þessa líka stórkostlegu Snocross braut í kvöld, brautin er á grunni motocross brautarinnar og er alveg svakalega girnileg, 80-90 cm púður troðið í drasl og eftir stendur prjónfæri allsvakalegt.

Ég sendi hér máli mínu til stuðnings nokkrar myndir, einnig væri gaman að menn sem hafa áhuga á að keppa í Snocrossi í vetur skrifi athugasemd hér við myndirnar því það er jafnvel hægt að skella á móti með litlum fyrirvara þegar færið er svona frábært, það yrði að sjálfsögðu kvöldmót í bestu fáanlegu lýsingu, svo góðri að F1 brautin í Singapor á ekki séns, við getum sem sagt skellt móti á en það fer eftir hversu margir hafa áhuga á að vera með , við þurfum circa 20 manns svo þetta sé eitthvað fútt í þessu, látið menn vita af þessu ef þeir eru tölvulesblindir.

Stebbi the golden dick 

2. umferð Íslandsmótsins í Ís-Cross fer fram laugardaginn 20. febrúar við Leirtjörn v/ Úlfarsfell, Reykjavík. Skráning fer fram á www.msisport.is og er skráning opin til miðnættis á fimmtudagskvöld 18. febrúar. Mæting keppenda er kl. 10:00, tímatökur hefjast kl: 11:00 en keppnin sjálf kl: 12:00

Allur akstur á Leirtjörn er bannaður fram að keppni. Öll umferð á tjörninni er bönnuð á keppnisdag að undanskildum keppendum og starfsmönnum. Áhorfendum er bent á bílastæði við vestur enda tjarnarinnar og gott útsýnissvæði við suð-vestur endan. Áhorfendur og keppendur eru beðnir að leggja bílum þannig að ekki hljótist ónæði fyrir aðra vegfarendur. Leirtjörn og umhverfi er í eigu Reykjavíkurborgar og er svæðið mikið notað til útivistar og biðjum við alla sem leggja leið sína á keppnina að ganga vel um og skilja ekki eftir drasl á svæðinu.