Fréttasafn

Árangur keppnismanna KKA var frábær í ár.    Bjarki Sigurðsson varð íslandsmeistari í unglingaflokki.    Þetta er reyndar annar íslandsmeistaratitill Bjarka á árinu því hann varð íslandsmeistari í snócrossinu líka.    Ásdís Elva Kjartansdóttir stóð sig líka gríðarlega vel því hún varð íslandsmeistari í 85cc flokki kvenna.     Hrafnkell Sigtryggsson sem við eigum núna orðið með húð og hári eftir að hann kom norður og starfrækir SportHótelið í Hlíðarfjallsrótum,  hann varð í 2. sæti í flokki eldgamalla B ökumanna í enduro.     Einar Sigurðsson sem er töluvert yngri en Keli og bróðir Bjarka varð í 5. sæti í sínum flokki.   Hjónin Unnar og Helga Hlín stóðu sig líka vel.     En skoðið bara sjálf ...  hér eru úrslitin,   ef ég er að gleyma einhverjum KKA manni þá sendið mér póst um það:

85 kvenna

1. Ásdís Elva Kjartansdóttir #523 íslandsmeistari

mx kvenna

11. Helga Hlín Hákonardóttir #820

85 flokkur

5.Einar Sigurðsson #671

18.Páll Hólm Sigurðsson #792

Unglingaflokkur

1. Bjarki Sigurðsson #670 Íslandsmeistari

8. Steingrímur Örn Kristjánsson #689

14. Hafþór Ágústsson #430

23.Arnór Þorri Þorsteinsson #723

mx-2

13. Kristófer Finnsson #690

B+40

2.Hrafnkell Sigtyggsson #50

B flokkur

11. Unnar Sveinn Helgason #880

17. Hrafnkell Sigtryggsson #50

32. Sigurður Bjarnasson #703

33. Sigurgeir Lúðvíksson #103

Siggi lenti í slysi á hálendinu og var fluttur malandi suður til Reykjavíkur með þyrlu.      Siggi er einstakur það stoppar hann ekkert,   hann fær hugmyndir og það sem meira er hann kemur þeim í framkvæmd.    Þetta á nú ekki að vera minningargrein þó það hefði hæglega getað verið svo oft.     Karlinn á ótrúlegan feril að baki og langan framundan.    Vefurinn óskar Sigga alls hins besta sést hefur til Sigga sprangandi um svo hann lætur það ekki stoppa sig þú hliðin hafi farið úr.     Fyrir löngu síðan þá áskotnaðist vefnum myndir af Sigga að fara yfir á.    Sagan var sú að Siggi og Hóla-Palli voru á fjöllum eins og svo oft áður.    Þeir komu að á og ætlaði HP að fara yfir en SB sagði honum nú að hafa sig hægan hann skyldi sína Palla sínum hvernig ætti að fara að þessu.   Hóla Palli var hinn rólegasti og sat á sínu tæki á bakanum og tók upp kennsluefnið:   Hvernig á að fara yfir ár á hálendinu 101,  eftir Sigurð Baldurrsson.    Sá hængur var á að við lofuðum að birta ekki myndirnar en það er löngu kominn tími til að svíkja það loforð (höfum sjálfsagt þegar gert það fyrir löngu bara búnir að gleyma því,  enda sýnist mér á myndunum að þær hafi verið birtar áður annars staðar en góð vísa er aldrei of oft kveðin).    sjá hér eru myndirnar. 

29. Águst er dagur sem verður tileinkaður öllum helstu jaðar og Motorsportum á íslandi. Þar fær hver grein stutta stund til að vera með keppnir og syningar og kynna sitt sport fyrir almenning. Þéttpökkuð dagskrá, X-ið sér um lifandi tónlist.Þarna verða syningar og keppnir í sportum eins og Motorhjólum, Motocross, freestyle, Trial Fjórhjólum, Fjórhjólacross, Drullupyttur, Reiðhjólum Downhill, Dirt Jump, BMX einnig verða Flugvélar, Rally, Rallycross, Torfæra og margt fleira.  Allt á einum degi í Motocross brautinni í Jósepsdal, Bolaöldu, hjá Litlu kaffistofunni á leið til Selfoss. Meira

KKA dagurinn tókst vel, margir lögðu leið sína upp á svæði ýmist til að hjóla eða horfa á. Það var ljóst strax um morguninn að barnabrautin væri eitt drullusvað og var því brugðið á það ráð að græja nýja 50/85cc braut hjá pittinum. Nýja brautin mæltist vel fyrir og var hart barist hjá yngri kynslóðinni í báðum flokkum. Á pallinum var síðan grillveisla í boði félagsins og krökkunum veitt viðurkenningarskjöl fyrir þátttökuna. Enduro æfingunni var síðan slegið saman við MX æfinguna þar sem crossbrautin var nánast ófær :) Var það mikil skemmtun og mörg eftirminnanleg tilþrif litu dagsins ljós. Nokkrar myndir komnar í albúmið, til að skoða smelltu hér.

Ég minni á næstu æfingu sem verður á þriðjudaginn 4.ágúst, en ekki mánudaginn 3 .ágúst, þessar breytingar eru útaf KKA deginum sem er á mánudaginn. 

Svo að sjáumst hress 4.ágúst kl 8!             Bjarki#670

KTM Austurríki hefur ákveðið að sameina sölu Husaberg og KTM hér á landi í eitt umboð og mun KTM Ísland framvegis sjá um sölu á Husaberg hérlendis. Nítró mun að sjálfsögðu halda áfram sölu á slithlutum og aukahlutum  fyrir Husaberg eins og öll önnur merki. Og þar að auki munum við halda áfram sérpöntunum og sölu á orginal Husaberg varahlutum til áramóta. [Tekið af nitro.is]

Það var glatt á hjalla í Enduro-púkaferð KKA sem farin var í Skuggabjargaskóg í gærkvöldi. Tekið var af við Draflastaði en þar höfðum við fengið góðfúslegt leyfi til að aka um slóðana í skóginum. Veður var gott fyrir austan, logn og þurrt á meðan ferðinni stóð. Eknir voru tveir hringir í skóginum og síðan voru grillaðar pylsur og gos eins og hver gat í sig látið áður en haldið var heim. Myndir komnar í albúmið, til að skoða smelltu hér.

Er bara að minna á æfinguna sem verður á morgun(29.júlí) kl 8, aðeins 3 eftir að borga, sé ykkur hress og upphituð annað kvöld ;)

Hin árlega púka enduroferð að Draflastöðum verður farin í dag, mæting verður á Leirunesti kl:18:00

Það er æskilegt að börnin komi í fylgd með fullorðnum eða semja við fararstjóra um annað ef foreldrar sjá sér ekki fært að mæta, ekið verður á frábærum slóðum í Skuggabjargarskógi og það verður enginn svikinn af því.

Það kostar ekkert að koma með og það verður grill og eitthvað grín eftir túrinn, það er fínt að koma með bakpoka og hafa með sér eitthvað að drekka í túrnum og kanski eina samloku með osti eða öðru áleggi að eigin vali :)

Það verða þaulreyndir fararstjórar með í ferðinni og við höfum ekki tapað einu barni ennþá þannig að foreldrar þurfa ekki að hafa áhyggjur.

Endilega hringið í Stebba :6625252 eða Gunna H :8982099 og tilkynnið um þáttöku ,

allir eru velkomnir.

Undirbúningsnefnd tók þá ákvörðun í dag að færa KKA daginn til mánudagsins 3. ágúst. Ástæðan er sú að á sunnudeginum fer fram unglingalandsmót í Motocross á Sauðárkróki en þar verða einmitt margir af okkar ungu og efnilegu ökumönnum að keppa. Eins ætti þessi ráðstöfun síður að slíta helgina í sundur sem ferðahelgi. Endilega látið þetta berast og sjáumst hress upp á KKA svæði á mánudaginn um versló.

Dagskrá:

11:00   Púkaæfing
Mæting þátttakenda kl. 10:30, skipt í flokka eftir fjölda, skráning á staðnum.

12:00   Klúbbæfing Motocross
Mæting þátttakenda kl. 11:30, skipt í flokka eftir fjölda, skráning á staðnum.

14:00   Klúbbæfing Enduro
Mæting þátttakenda kl. 13:00, skipt í flokka eftir fjölda, skráning á staðnum.

Grillveisla við félagsheimili í boði KKA í lok dags.

Aðeins fyrir félaga í KKA og fjölskyldur þeirra.

Engin gjaldtaka fyrir þátttöku í æfingum né grillveislu.

Skilyrði er að vera skuldlaus við félagið.