Aðalfundur KKA 2019, 25. janúar kl. 19:00 Óseyri 13

Ágætu félagar,   þetta er seinni auglýsing um aðalfund KKA,  hin fyrri var fyrir viku síðan eins og þið hafið ekki tekið eftir.    Hér hefur nú allt verið neglt niður og ákveðið.

Fundurinn verður haldinn að Óseyri 13,  í bili velmegandi,  æruverðugs Trausta Hákonarsonar.
Bæði verður á boðstólum matur og drykkur svo enginn fer svangur heim.

Við ætlum að renna yfir starfsemi síðasta árs og reikninga félagsins o.fl. 

Það sem helst ber til tíðinda í stjórnarkjöri er að formaður félagsins til 15 ára Þorsteinn Hjaltason gefur ekki kost á sér til áframhaldandi setu í stjórn.   Hann segir þetta vera orðið gott og ágætt að aðrir taki við keflinu en verður þó alltaf skammt undan svona til að byrja með a.m.k.  :)  ef svo ólíklega vildi til að komandi stjórn og formaður teldi sig hafa gagn af honum.

Stjórn KKA ræddi málin við Bjarka Sigurðsson og hann féllst á að gefa kost á sér til formennsku í félaginu.   Við í stjórninni getum ekki verið ánægðari með eftirmann Þorsteins.   Bjarki hefur nú um árabil setið í stjórn KKA og í stjórn MSÍ og getið sér gott orð um allar jarðir.   Bjarki er mesti afreksmaður sem KKA hefur átt.   (Það er rétt nú upp á síðkastið sem litli bróðir hans, þ.e. Einar,  er hugsanlega farinn að slá honum við í afrekum en ef Bjarki tekur við formennskunni verður vitanlega ekki af því.)

Dagskráin verður svona:

1)      Setning fundar kl. 19:00.   

Matur og drykkur kl 20.00, og skiptir þá ekki máli hvar í dagskránni við erum,  fundi verður þó hugsanlega fram haldið yfir slafrandi fundarmönnum.

2)      Kjör fundarstjóra og fundarritara.

3)      Formaður gerir stuttlega grein fyrir skýrslu stjórnar og reikningum.  
a. Yfirlit um það sem skiptir mestu,  (þ.e. hvað er á bankareikningnum NÚNA.)
b. Rekstrarreikningar, 
c. Efnahagsreikningar

4)      Skýrsla stjórnar og nefnda lagðar fram til umræðu og samþykktar.

5)      Endurskoðaðir reikningar síðasta reikningsárs lagðir fram til umræðu og samþykktar.

6)      Kosning formanna nefnda.

a)      Öryggisnefnd:

b)      Svæðisnefnd:

c)      Mótanefnd:

d)     Unglingaráð:

e)      Foreldraráð og Fræðsluráð:

f)       Aganefnd:

g)      Umferðarnefnd:

h)      Ferðanefnd:

i)        RC nefnd:

j)        Reiðhjólanefnd:

k)      Snocrossnefnd.

l)        Innheimtunefnd:

m)    Húsnefnd:

n)      Laganefnd:

7)      Umræður um tillögur, sem fram hafa komið.

8)      Kosning formanns.

9)      Kosning fjögurra stjórnarmanna.

10)  Kosning tveggja endurskoðenda.

11)  Umræða / hugmyndir um árið 2018.

12)  Önnur mál. /

13)  Fundargerð lesin upp til samþykktar.

14)  Fundarslit.