Fréttasafn

MX brautin okkar er á kafi í snjó,  snócrossdeildinni til mikillar gleði.      MX brautin á Sauðárkróki er hins vegar opin og góð,   hvetjum við alla til að fara og prófa þessa skemmtilegu braut.       Baldvin Þór fór um daginn ásamt nokkrum félögum.    Þeir fengu að nota MX félagsheimilið á staðnum.     Ásta hjá VS hafði samband við mig og vildi hæla þessum félögum fyrir umgengni um húsið.    Sagði að þeir hefðu þrifið allt hátt og lágt og skilað því betur af sér en þeir fengu húsið.    Hún sagði að þessir kappar væru ávalt velkomnir.      Frábært að heyra þetta.       Þessir menn fá hól dagsins:    
Baldvin, Bjarki, Halldór Gauti, Sigrún og Hafþór fóru á Sauðárkrók.       Auðvitað komu þau sér í blöðin (sjá ofar) og ætluðu að hafa eitt orð um brautina en það mistókst auðvitað því það er ekki hægt því brautin er fullkomlega sturluð.     Verið er að skipuleggja dag með félagsmönnum KKA og VS og munu menn ætla sér að eiga saman góðan dag í Skagafirði á næstunni svona þegar óveðrinu slotar.

Hér er listi yfir skráða keppendur í síðustu umferð Íslandsmótsins í Snocross sem fram fer á Fjarðarheiði ofan Seyðisfjarðar kl. 14:00 á morgun. Spennan er gríðarleg í stigabaráttunni og því vert að drífa sig á staðinn og verða vitni af miklum tilþrifum í öllum flokkum.

KKA sótti ársþing ÍBA í gærkvöldi frá kl. 18:00 til 21:00.     Þröstur Guðjónsson var endurkjörinn formaður,   aðrir í stjórn voru kosnir Gunnar Kárason,  Fríða Pétursdóttir og Sigbjörn Gunnarsson.  Í varastjórn eru Hörður Sigurharðarson,   Haukur Valtýsson og Áslaug Kristjánsdóttir.     Allt saman toppmenn.    Nokkrar ræður voru haldnar,  farið var yfir reikninga og lögum breytt.   Allt fór þetta vel fram undir vökulu auga KKA,  sem fékk vel að borða og var því ánægt.      Á þinginu var Baldvin Þór Gunnarsson sérstaklega heiðraður með bókum og blómum,  en þar sem hann var á stífum æfingum baðaður í splunkunýjum ljósum á snocrosssvæði KKA gat hann ekki tekið við verðlaunum þannig að formaðurinn brá sér í Baldvins-gerfið sitt,  gallabuxur og jakka yfir spelkur og brynju,   og tók við verðlaunum rétt eins og hann hefði sjálfur til þeirra unnið,  og var reyndar myndaður með þau í bak og fyrir af sérstökum fréttamönnum þingsins (sbr. frétt Stöðvar2 þar sem sýndar voru myndir af "Baldvin" að fá verðlaunin/geðveikt flottur).    Ársskýrslur allra félaganna voru birtar í bók sem ÍBA gefur út á 2 ára fresti.    Þar er saga félaganna rakin nema hjá BA sem ákvað að eyða sínu rými í að fjalla um hestamannafélagið Létti.    Hægt er að lesa ársskýrslu KKA fyrir 2006 og 2007 hér (ath.  ekki komið enn kemur inn í kvöld,  þið verðið að bíða þar til þá með lesturinn).   Ársþing eru haldin á 2 ára fresti, umsóknir þeirra sem vilja verða fulltrúar á næsta þingi þurfa að berast eftir 23 mánaða.   

Það hefur verið ákveðið af WPSA og Start vélsleðaklúbbi austan manna að framlengja skráningarfrest án aukagjalds til fimmtudags kvelds, þetta er gert vegna þess að menn hafa átt í einhverjum vandræðum með að skrá sig en nú er búið að leysa það, ég hvet alla sem hafa áhuga á að vera með að skrá sig og taka þátt í stórskemmtilegri keppni fyrir austan, það hefur heyrst að nokkrar gamlar kempur séu staðráðnir í að vera með og það stefnir í harða baráttu í öllum flokkum. Íslandsmeistaratitlarnir eru enn í járnum og það kemur í ljós á Egilsstöðum hver fer heim með feitu dolluna og titilinn.Allir að mæta og fylgjast með, f,h WPSA á Íslandi Stebbi gull 

Árgjald fyrir árið 2008 er kr. 4.300 og er þá seðilgjald o.fl. til banka innifalið.       Mjög bráðlega verður seðillinn sendur út til félagsmanna og biðjum við alla að bregðast skjótt við og greiða.       Undanfarin ár hefur gjaldið verið 3.117 en með aukinni þjónustu og mannvirkjum verður félagið að hækka gjaldið aðeins enda sanngjarnt því boðið er upp á meira.     Verð árskorta í brautina verða ekki hækkuð.     Fyrir félagsmann kostar það kr. 8.000 og kr. 15.000 fyrir utanfélagsmenn.      Gildi kortsins er mun meira núna eftir að félagið kom upp lýsingu í brautinni.     Snjósleðar hafa verið í brautinni í allan vetur og við munum aka hjólum langt fram á haustið í flóðlýsingu.     Bráðlega verður kynnt æfingatafla félagsins og æfingagjöld.     Æfingatímar verða ákveðnir í 4-5 flokkum og á áætlun verða 4 enduroferðir á vegum félagsins.  

Skráningu í snocrossið á Egilsstöðum sem fram fer 12 apríl á Fjarðarheiði líkur annað kvöld.

Fjölmennum  á þetta síðasta mót vetrarins og sjáum spennandi uppgjör í öllum flokkum.

Start

Hér er ráslisti fyrir 5. umferð Íslandsmótsins í SnoCross sem fram fer á Húsavík laugardaginn 22.mars.

 

Vefnum bárust tölfræðilegar upplýsingar úr Mývatssveit fyrir samhliðabraut, hillcross og ísspyrnu.

Til að skoða smelltu HÉR.

Allir að mæta og fylgjast með næst síðustu snocross keppni vetrarins, gríðarleg spenna í öllum flokkum, og Börkur lofaði alveg hrikalega skemmtilegri braut og lýgur hann nú sjaldan og aldrei á hátiðardögum, Stebbi gull

Hér er ráslisti fyrir fjórðu umferð íslandsmótsins í Snocross sem fram fer á Mývatni laugardaginn 8.mars n.k.