Samherji veitti KKA 500.000 kr. styrk í dag annað árið í röð.

Í dag hélt útgerðarfyrirtækið Samherji hf. veglega veislu og styrkti ýmis málefni með hvatningu og 75 milljónum króna.      

Samherji hefur í gegnum tíðina styrkt ýmis málefni með margskonar hætti.   Árið 2008 var þó sérstakt því þá tók félagið sig til,  boðaði til veislu í tilefni af 25 ára afmælis félagsins og tilkynnti þar að félagið hyggðist styrkja ýmiskonar málefni með gríðarlega miklum fjármunum.   Allir töldu þetta vera einstakan viðburð, sem ekki yrði endurtekinn.   Sem betur fer gekk það ekki eftir því í dag veitti Samherji fjórða árið í röð reginfjárhæð til margvíslegra málefna.  

Þakklæti KKA er mikið bæði fyrir fjármunina og líka fyrir þá viðurkenningu, sem felst í því að aðili í atvinnurekstri skuli yfirleitt sjá ástæðu til að gefa okkur peninga, sem aflað hefur verið með venjulegum erfiðismunum.