Kennslubók í akstri enduro/motocrosshjóla
Nú á sértilboði aðeins kr. 1.000,- (verð áður kr.
3.000,-)
Eina bókin sem til er á íslensku um þetta efni. Þorsteinn Hjaltason hefur tekið saman efni sem byggir á 46 grundvallarreglum Gary Semics um akstur
mótorhjóla. Bókin er 50 bls. prýdd fjölda ljósmynda. Prentun og frágangur er mjög góður á bókinni. Bókin kostar kr.
1.000 og fer allt gjaldið til uppbyggingar svæðis KKA í Glerárhólum ofan við Akureyri.
Vinsamlegast sendið pöntun:
th@ALhf.is.
Hafið þessar upplýsingar með:
Nafn:
kt.
Heimilisfang:
Staður:
Netfang:
símanúmer:
Leggið síðan kr. 1.000 inn á þennan reikning, hafið í skýringu: KKA bók: reikningur félagsins er: 1145-05-442538
eigandi: kt. 4202962319 KKA Akstursíþróttafélag Vættagili 24 603 Akureyri
Til að gefa hugmynd um bókina er hér að neðan efnisyfirlit bókarinnar og svo 3. kaflinn: engar myndir eru med en neds er reyndar illa skonnud sida, gefur hugmynd um
myndir sem eru fjolmargar.
Efnisyfirlit
1. kafli
Hvernig er best að nýta sér tækniatriðin . . . . . . . . . . . . . . . . . . . . . 9
2. kafli
Það eru tvö grundvallaratriði í mótokrossi
2.1. Staðsetning á hjólinu . . . . . . . . . . . . . . . . . . . . . . . . . . . . . . . 14
2.2. Stjórntækin fimm . . . . . . . . . . . . . . . . . . . . . . . . . . . . . . . . . 14
3. kafli
Grundvallarreglurnar 1-46
Líkamsstaðsetning almennt reglur 1-14
Grundvallarregla nr. 1
Miðjustaðsetning . . . . . . . . . . . . . . . . . . . . . . . . . . . . . . . . . . 16
Grundvallarregla nr. 2
Hnjástaðsetning og hreyfing . . . . . . . . . . . . . . . . . . . . . . . . . . . 19
Grundvallarregla nr. 3
Færa til þyngd á hjólinu þegar þú situr . . . . . . . . . . . . . . . . . . . . 20
Grundvallarregla nr. 4
Mjúkur í efri líkama . . . . . . . . . . . . . . . . . . . . . . . . . . . . . . . . . 22
Grundvallarregla nr. 5
Hafðu þungann á fótunum,
þyngdarpunktinn neðarlega . . . . . . . . . . . . . . . . . . . . . . . . . . . . 22
Grundvallarregla nr. 6
Olnbogar út og upp . . . . . . . . . . . . . . . . . . . . . . . . . . . . . . . . . 23
Grundvallarregla nr. 7
Axlir þvert á aksturslínu og fyrir miðju . . . . . . . . . . . . . . . . . . . . 24
Grundvallarregla nr. 8
Færðu þig til á hjólinu . . . . . . . . . . . . . . . . . . . . . . . . . . . . . . . 24
Grundvallarregla nr. 9
Beygja bakið og rétta úr því . . . . . . . . . . . . . . . . . . . . . . . . . . . 24
Grundvallarregla nr. 10
Fótastaðsetning . . . . . . . . . . . . . . . . . . . . . . . . . . . . . . . . . . . 24
Grundvallarregla nr. 11
Fótastaðsetning þegar bremsað er standandi . . . . . . . . . . . . . . . . . 25
Grundvallarregla nr. 12
Fótastaðsetning þegar skipt er um gír sitjandi, framstelling . . . . . . . 25
Grundvallarregla nr. 13
Fingur eða tveir á kúplingu og einn fingur á frambremsu . . . . . . . . . 25
Grundvallarregla nr. 14
Fingrafimi . . . . . . . . . . . . . . . . . . . . . . . . . . . . . . . . . . . . . . . 25
Bemsur reglur nr. 15-22
Grundvallarregla nr. 15
Standandi staða og afturbremsa . . . . . . . . . . . . . . . . . . . . . . . . . 26
Grundvallarregla nr. 16
Sitjandi staða og afturbremsa . . . . . . . . . . . . . . . . . . . . . . . . . . 26
Grundvallarregla nr. 17
Afturbremsa frá standandi stöðu til sitjandi . . . . . . . . . . . . . . . . . 26
Grundvallarregla nr. 18
Ekki kúpla meðan bremsað er . . . . . . . . . . . . . . . . . . . . . . . . . . . 27
Grundvallarregla nr. 19
Skipta niður án þess að nota kúplingu . . . . . . . . . . . . . . . . . . . . . 27
Grundvallarregla nr. 20
Bremsa að aftan yfir ójöfnur . . . . . . . . . . . . . . . . . . . . . . . . . . . 27
Grundvallarregla nr. 21
Nota kúplingu með inngjöf . . . . . . . . . . . . . . . . . . . . . . . . . . . . 28
Grundvallarregla nr. 22
Velja sér stað til að setja framhjólið niður . . . . . . . . . . . . . . . . . . 28
Beygjur reglur nr. 23-34
Grundvallarregla nr. 23
Ytri olnbogi upp, innri neðar . . . . . . . . . . . . . . . . . . . . . . . . . . . 28
Grundvallarregla nr. 24
Innri fótur út . . . . . . . . . . . . . . . . . . . . . . . . . . . . . . . . . . . . . 29
Grundvallarregla nr. 25
Hvenær seturðu fótinn út í beygjum . . . . . . . . . . . . . . . . . . . . . . 30
Grundvallarregla nr. 26
Bremsa eða gefa í . . . . . . . . . . . . . . . . . . . . . . . . . . . . . . . . . . 31
Grundvallarregla nr. 27
Bremsustaðurinn . . . . . . . . . . . . . . . . . . . . . . . . . . . . . . . . . . . 31
Grundvallarregla nr. 28
Bensínstaðurinn . . . . . . . . . . . . . . . . . . . . . . . . . . . . . . . . . . . 32
Grundvallarregla nr. 29
Sameina í eina heild bremsu- og bensínstaðinn . . . . . . . . . . . . . . . 33
Grundvallarregla nr. 30
Gæla við frambremsuna . . . . . . . . . . . . . . . . . . . . . . . . . . . . . . 34
Grundvallarregla nr. 31
Bremsu- og bensíngjafargælur . . . . . . . . . . . . . . . . . . . . . . . . . . 34
Grundvallarregla nr. 32
Frambremsan í beygjuskrans . . . . . . . . . . . . . . . . . . . . . . . . . . . 35
Grundvallarregla nr. 33
Úr skralli í inngjöf . . . . . . . . . . . . . . . . . . . . . . . . . . . . . . . . . . 35
Grundvallarregla nr. 34
Bremsa til að halda stjórn . . . . . . . . . . . . . . . . . . . . . . . . . . . . . 36
Stökk reglur nr. 35-38
Grundvallarregla nr. 35
Stökkva hærra og almennt um fjöðrunarkerfi hjólsins . . . . . . . . . . . 37
Grundvallarregla nr. 36
Stökkva lægra . . . . . . . . . . . . . . . . . . . . . . . . . . . . . . . . . . . . . 40
Grundvallarregla nr. 37
Hreyfingar í loftinu . . . . . . . . . . . . . . . . . . . . . . . . . . . . . . . . . 41
Grundvallarregla nr. 38
Hliðarsveiflan eða vippið . . . . . . . . . . . . . . . . . . . . . . . . . . . . . 41
Grundvallarregla nr. 39
Róa bátnum . . . . . . . . . . . . . . . . . . . . . . . . . . . . . . . . . . . . . . 44
Grundvallarregla nr. 40
Inngjafarstökk . . . . . . . . . . . . . . . . . . . . . . . . . . . . . . . . . . . . 44
Startið, reglur nr. 41-45
Grundvallarregla nr. 41
Sittu framarlega . . . . . . . . . . . . . . . . . . . . . . . . . . . . . . . . . . . 45
Grundvallarregla nr. 42
Hallaðu þér aftur til að fá grip,
en fram til að halda framdekkinu niðri . . . . . . . . . . . . . . . . . . . . . 45
Grundvallarregla nr. 43
Hafðu fæturna á jörðinni . . . . . . . . . . . . . . . . . . . . . . . . . . . . . 46
Grundvallarregla nr. 44
Slepptu kúplingunni mjúklega . . . . . . . . . . . . . . . . . . . . . . . . . . 46
Grundvallarregla nr. 45
Vertu hreyfanlegur . . . . . . . . . . . . . . . . . . . . . . . . . . . . . . . . . . 47
Almennt regla nr. 46
Grundvallarregla nr. 46
Horfðu langt fram á veginn . . . . . . . . . . . . . . . . . . . . . . . . . . . . 48
3. kafli
Grundvallarreglurnar 1-46.
Líkamsstaðsetning, almennt.
reglur 1-14
Grundvallarregla nr. 1.
Miðjustaðsetning.
Miðjustelling sitjandi og standandi.
Þegar við erum í miðjunni, hvort sem er sitjandi eða standandi, þá erum við með höfuðið beint fyrir ofan stýrisfestingarnar. Sem
sé höfuð beint fyrir ofan stýrið, þeir sem hafa númeraplötur ættu jafnvel að geta lesið númerið.
Markmiðið er að þú sért beint yfir miðju hjólsins. Með því að staðsetja höfuðið með þessum hætti eru
líkur til þess að þú sért á réttum stað á hjólinu. Skrokkurinn er festur á hausinn með oft á tíðum
ekki sérlega löngum hálsi þannig að fljótlega eftir að haus og hálsi lýkur fylgir skrokkur, sem er þá staðsettur yfir miðju
hjólsins. Þetta með hausinn er nefnilega ekki gert fyrir nærsýna, sem verða að troða hausnum fram til að sjá betur, heldur ekki til þess
að þú getir skoðað skorurnar í dekkinu þínu eða svo þú getir lesið og lært númerið á hjólinu
þínu. Hreint ekki. Þetta er eingöngu til þess gert að þú sért fyrir miðju á hjólinu. Ef þú þorir að
troða toppstykkinu svona framarlega þá einfaldlega fylgir skrokkurinn á eftir og þá ertu kominn á heppilegan stað á hjólinu, þ.e.
fyrir miðju.
Það er ekki nóg að sitja framarlega á hjólinu þú verður að hafa hausinn fremstan, beint fyrir ofan stýrisfestingarnar.
Þetta er mjög mikilvæg regla því út frá henni vinnum við ætíð, þ.e. þú hreyfir þig út frá
miðjustellingunni. Þú ert í henni þegar allt er með kyrrum kjörum en svo þegar það breytist t.d. stökk, beygjur, ójöfnur
eða hæðir, þá færir þú þig þaðan þ.e. úr miðjustellingunni, framar á hjólið eða aftar ef
það er nauðsynlegt.
Í miðjustellingunni ertu beint yfir snúningspunkti hjólsins, þ.e. ef hjólið snýst um sjálft sig ertu á snúningspunktinum og
í jafnvægi. Ef þú værir fyrir aftan snúningspunktinn myndirðu þeytast aftur af hjólinu en ef þú ert fyrir framan myndirðu
þeytast fram af hjólinu. Í miðjunni ertu eins og möndullinn eða handfangið á skopparakringlunni, ert kyrr og í jafnvægi en þeytist ekki
af. Það kemur nú sem betur fer ekki fyrir að hjólið snúist með slíkum krafti en hins vegar getur ýmislegt komið okkur á
óvart og ef við erum ekki vel staðsett á hjólinu og tilbúin þá fer svo að við missum jafnvægið og þá erum við
skyndilega ekki lengur við stjórn á hjólinu heldur farþegar, sem engu stjórna og geta ekki annað en ríghaldið sér, á meðan
ósköpin ganga yfir.
Staðsettu þig þannig á hjólinu að þú getir haldið á móti ef þú þarft skyndilega að bremsa stíft með
frambremsunni. Það þýðir að t.d. í standandi stöðu að þú verður að vera neðarlega. Ef þú ert uppréttur
og bremsar kröftuglega að framan ferðu fram af hjólinu.
Byrjendamistökin:
Margir byrjendur eru of aftarlega á hjólinu. Þetta leiðir til þess að hjólið lætur illa að stjórn og þeir þreytast í
framhandleggjum því hjólið togar af afli í þá þegar gefið er í. Ennfremur vill það brenna við að þó menn
setjist fremst á hjólið alveg við bensíntankinn eða ofan á hann, þá setji þeir hausinn ekki fram.
Grundvallaratriði nr. 2.
Hnjástaðsetning og hreyfing.
Þegar þú stendur í miðjustellingunni þá skaltu hafa hnéliðinn beint ofan við ökklaliðinn. Klemma sætið með
hnjánum og færir þig til á hjólinu um hnén, þ.e. þau eru kyrr og klemma sætið.
Þegar þú ertu í miðjustellingu þá á að vera hægt að draga lóðrétta línu frá ökklum og upp í
hné, sem sé sköflungur í lóðréttri stöðu, allt í beinni lóðréttri línu. Fætur eiga að vera
því sem næst beinir en án þess að læsa hnjám, rassinn út í loftið og hausinn fremst og yfir stýrinu. Allir búnir
að átta sig á þessu. Hnén eiga að vera beint yfir ökklum í miðjustellingu en það getur breyst þegar við færum okkur til
á hjólinu og úr miðjustellingunni. Þegar við erum í þessari stellingu þá klemmum við sætið með hnjánum. Til
þess að auðvelda það þá er gott ráð að ýta svolítið út með fótunum á fótstigunum um leið og
þú klemmir með hnjánum. Þessi tækni kemur í veg fyrir að þú þreytist eins mikið í fótunum innanverðum við
að klemma sætið. Passið bara að hafa fótstigin vel beitt svo þið skriplið ekki af fótstigunum þegar verst stendur á.
Þegar við hreyfum okkur í þessari stellingu þá hreyfum við okkur um hnén, þ.e. klemmum þau um sætið en höllum okkur aftur
á bak eða fram með því að færa okkur aftur og bak og áfram án þess að hreyfa hnén. Hnén eru snúningspunktur eða
vaggpunktur.
Ef þú þarft að færa þig meira, þ.e. í stærri boga á hjólinu, þá færirðu þig um fótstigin, sem
er annar vaggpunktur, sjá myndir hér að ofan. Þetta er auðvitað óskiljanlegt, við reynum betur. Þú heldur um stýrið og
síðan ertu eins og þú sért að róa, stýrið er árin. Hnén renna meðfram sætinu og þú vaggar á
fótstigunum fram og aftur. Rassinn á að standa út í loftið, þú togar þig að stýrinu og ýtir þér frá
því og hausinn fremst. Hugsaðu þér stýrið sem ár og þú ert að róa en mundu að halda rassinum út í loftið
og hausinn fremst, ekki rétta úr þér upp í loftið. Ítrekað er að þú átt ekki að færa mjaðmirnar fram og til baka
án þess að beygja olnbogana, þ.e. án þess að toga þig að stýrinu og ýta þér frá því. Oftast er
það í raun hjólið sem færist undir þér fram og til baka frekar en þú færist til ofan á hjólinu. Þú
sýnist kyrr en hjólið hreyfist undir þér.
Byrjendamistökin:
Margir byrjendur gera þau mistök að gleyma að klemma sætið með hnjákollunum, sem leiðir til þess að þeim finnst þeir vera lausir
á hjólinu.
Grundvallaratriði nr. 3.
Færa til þyngd á hjólinu þegar þú situr.
Þegar þú situr er oftast nóg að færa til þyngd þína á hjólinu með því að halla þér fram og aftur
frekar en að færa þig til í sætinu. Þú ert kyrr með rassinn en vaggar fram og aftur.
Nú höfum við minnst á vaggpunktana þrjá þ.e. fótstigið og hnén, þegar þú stendur, og svo rassinn þegar
þú situr. Stýrið er ekki vaggpunktur.
Byrjendamistökin:
Eru þau að færa sig fram og aftur á sætinu. Þetta er ekki rétt aðferð (fyrir utan þau skipti þegar þú virkilega þarft
að nota róttækar aðgerðir). Rétta aðferðin er að sitja framarlega á sætinu og halla sér svo fram og aftur eftir þörfum, en
sitja með rassinn grafkyrran. Með þessari einföldu aðferð færir þú næga þyngd fram og aftur á mótorhjólið en ert
engu að síður í miðjustellingunni. Þú færð betri stjórn á hjólinu með þessum hætti og þessi aðferð
útheimtir mun minni orku.
Þyngdin aftur fyrir miðju Þyngdin í miðjunni, miðjustaðsetning.
